ولا تسوى

******

والله ما يسوى أعيش الدنيا دونك
لا ولا تسوى حياتي بهالوجود
دامك انت اللي رحلت وكيف أبصبر
عالبعاد وكيف بنثر هالورود

***

عالبعاد وكيف بنثر هالورود

***

ما وعدت إنك تقاسمني المحبة
وتبقى لي حب ولدروبي دليل
بس حسافة الموت كان أقرب وأرحم
حسبي الله وحده ونعم الوكيل

***

حسبي الله وحده ونعم الوكيل

***

روح أنا راضي غيابك يا حياتي
هذي قسمة لي وهذا لي نصيب
كنت شمعة تضوي وتشرق حياتي
انطفيت ورحت في وقت المغيب

***

انطفيت ورحت في وقت المغيب

***

والله ما يسوى أعيش الدنيا دونك
لا ولا تسوى حياتي بهالوجود
دامك انت اللي رحلت وكيف أبصبر
عالبعاد وكيف بنثر هالورود

***

عالبعاد وكيف بنثر هالورود

***

ملحوظة:
هذه الكلمات أعجبتني فنقلتها ولا تعبر عن حالتي النفسية

عمري إيه

عمري ايه قبل الليله دي عمري ضايع عمري فاضي

واللي عشته من حياتي ورقه فاضيه

وقلم واللي كانت روحي فيها كدبتني ليه عنيها فجاه راحت

مش لاقيها زي حلم اتهدم جوة مني كتير معاني والحياه

مكتفاني انا نفسي اقول واصرخ بصوت


نفسي اتحدي زماني

احلام كتير متكسرة بين السنين متنطورة نفسي

الاقي فيه نفسي يتحقق كياني

اما انا فاحكياتي قصه من هروب لهروب ولسه لسه بحلم يوم بمرسي ومركبه وحضن وصبيه

ليه حياتي شيفها سهله مش مهمه لاي حد نفسي اعيش بس اني اعيش وله يبقي كتير عليه

جوة مني كتير معاني بس الحياه مكتفاني

نفسي اقول واصرخ بصوت نفسي اتحدي زماني

احلام كتير متكسرة بين السنين متنطورة

نفسي الاقي فيه نفسي

نفسي يتحقق كياني

مش حقول أكتر من إن نص الأغنية دي ليا والنص التاني لشخص أخر زي ما هي في الفيلم ممكن يبقي فيه زيها في الحقيقة

قبلني في النور

أنا جاي أتكلم معاكوا النهاردة بحرية كاملة
كنت النهاردة في المعمورة قضيت اليوم كله هناك كان يوم جميل والجو كان ممتع
وروحت انا وقريبي نتمشي جنب الشاطئ
وألاقي جنب كل عمود ولد وبنت وبعدين ولد وبنت
وكل واحد واخد البنت بتاعته في حضنه
وشغال يمسك في أيديها ويفعص ويبوس فيها ههههههههههههههه
كان فيه فيلم زمان أسمه قبلني في الظلام
لكن دلوقتي الفيلم أتقلب بقي قبلني في النور وإلي مش عاجبه يروح
إلي يغيظك أكتر إنهم بنات محجبات طبعا
أنا مش عايز أتكلم عن البنات إلي كانت بترقص ومحجبات أو لابسين أيشارب علي شعرهم علشان مبقاش غلطت في الحجاب بجد الناس دي عار علي دين والله دة أنا لو متجوز مش حقعد مع مراتي أعمل إلي كانوا بيعملوه دة
أنا بصراحة أتكسفتلهم ومشيت علشان مبصش عليهم لكن قريبي بقي قعدوا يصوروا أنا معيش الصور دلوقتي هي معاهم بس بجد صور عيب إني أعرضها علشان لما ألاقي واحد بدقن وواحدة منقبة ودة ماسك أيديها ولزقين في بعض دي لو مراتك متقبلش حد يشوفها كدة وأنت شكلك متدين ومراتك ولا خطيبتك ولا أيا كانت متقبلش إن الناس كلها يشوفوكوا كدة عيب بجد عيب عليا

بجد أنا حزين علي إلي وصلناله من تعري في الأفكار هوة دة التقدم والتحرر من القيود العقلية



ملقتش حد غير

الصـــــــــــــــــــــمــــــــــــــــــــــــــــــــت

رجاء لكل إلي حيقري الموضوع دة يقولي رأيه بصراحة سواء معايا او ضدي وميكتفيش بالقراءة بس علشان نستفيد من أضافته

سلامي ليكم جميعا

حورس
أحمد عنتر

عيد سعيد

جيت بعد الكل علشان أقولكوا

كل عيد وأنتوا طيبين وربنا يجعل أيامكم كلها سعادة وفرحة مش في العيد بس


,,,,
,,,,
,,,,
.....................................................

سلامي ليكم جميعا

أحمد عنتر

حورس

صمت

صمت
..
..
..
..
..
.........
.....
.
لماذا الصمت ...... لا أعلم ؟؟؟

!!!!!!!!!!!!!

7oR@$

الله يا الله

الله يا الله
الله يا الله
الله يا الله
يا الله

يا خالق الأكوان يا رباه
يا واحد لا نرتجي إلا هو
يامن تريح القلب إن ناداك

الله يا الله يا الله

يا خالق الأكوان يا رباه
يا واحد لا نرتجي إلا هو
يامن تريح القلب إن ناداك

الله يا الله يا الله


الله يا الله
الله يا الله
الله يا الله
يا الله


أنت العظيم المستعان العالي
وأنا الفقير إليك من أعمالي
فأغفر ذنوبا يا كريم يا من
لا يعفو عن تلك الذنوب سواه

أنت العظيم المستعان العالي
وأنا الفقير إليك من أعمالي
فأغفر ذنوبا يا كريم يا من
لا يعفو عن تلك الذنوب سواه


الله يا الله
الله يا الله
الله يا الله
يا الله

أعطيتني والحمد يا معطيها
نعم بشكرك لا ولن أحصيها
فأمنن عليا بنعمة الإيمان
وألهم فؤادي كي يزد تقواه

أعطيتني والحمد يا معطيها
نعم بشكرك لا ولن أحصيها
فأمنن عليا بنعمة الإيمان
وألهم فؤادي كي يزد تقواه


الله يا الله
الله يا الله
الله يا الله
يا الله


الله يا الله
الله يا الله
الله يا الله
يـــــــــــــــــــــــــــــــــــــــــــــــــــــــــــــــا الله

ما عندن خبر

ماعندن خبر ماعندن خبر شو بحبن ياقلبي وعبالن خطر
شو بقضي أنا ليالي أنا وخيالن عبالي وعبالي صور

ياصوتي لعندن روح بوح بهواهن قلن قلن بالهوى مجروح بركي الهوى بيدلن قلن غيروني قلن حيروني

يا صوتي بهواهن ذوب ضيع بحلاهن غني قلن بالهوى مكتوب هن الحبايب هني الي غيروني هن الي سهروني

وحدي أنا والليل و الدمعة بعيوني ناموا الحبايب ليل مانمت يا عيوني
وكان القمر سهران و كان القمر سهران

طل الصبح بكير يبكي على بابي سألتن هالعصافير شو القصة يا صحابي قالوا القمر عشقان قالوا القمر عشقان

ياصوتي لعندن روح بوح بهواهن قلن قلن بالهوى مجروح بركي الهوى بيدلن قلن غيروني قلن حيروني

يا صوتي بهواهن ذوب ضيع بحلاهن غني قلن بالهوى مكتوب هن الحبايب هني الي غيروني هن الي سهروني

وحدي أنا والليل والحيرة وظنوني قاسي الهوى يا ناس يا صحابي دلوني ضايع أنا يا رفاق ضايع أنا يا رفاق

خايف أنا أحكي وأشكي على حالي خايف أنا غني يجرحني موالي يا لوعة المشتاق يا لوعة المشتاق

ياصوتي لعندن روح بوح بهواهن قلن قلن بالهوى مجروح بركي الهوى بيدلن قلن غيروني قلن حيروني

يا صوتي بهواهن ذوب ضيع بحلاهن غني قلن بالهوى مكتوب هن الحبايب هني الي غيروني هن الي سهروني

أهداء إلي بووسي

سلاموا عليكووا

طالت غيبتي عليكوا لكن أديني جيت أهه

مش عارف اوصف أيامي إلي فاتت إزاي من السعادة للحزن للحلم للحقيقة

وأخيرا

للحب

كل دة حصلي في فترة صغيرة جدا مين كان يصدق إن يحصل فيا كدة بعد ما قطعت الجسور إلي توصل لقلبي وجمته علشان محدش يقربله تيجي القطة بووسي تقفز إلي قلبي وتخربش في التلج لغاية ما تلاقي الباب وتفتحه وتدخله

يمكن قلبي كان محتاج لخارقة تدخله ويمكن كمان يكون لقاها أتمني إني أكون أخترت صح
أنا متعودتش أتسرع في قراري فكرت كتير قبل ما أقول حقيقة مشاعري
وأستريحت أوي لما قولت ولما أتاكدت من شعوري وشعورها

ربنا يستر من العين والقر بقي هههههههههههههههههه

سلامي ليكم جميعا

أحمد عنتر

حورس

أحاسيس ملخبطة

مكنتش عايز أكتب بوست فيه نكد لكن غصب عني دخلت بلوج وقريت موضوع قديم في البلوج دة أنا إلي دورت عليه بجد كان ليه ذكري جميلة أوووووووووووي في حياتي كانت أجمل أيام حياتي أيام البوست دة خوفت يكون أتمسح لكن ليقته لسة موجود يمكن وقتها كانت ذكريات جميلة لكن دلوقتي بقت ذكريات بتقطع في جوايا لكن كل حاجة وليها نهاية يمكن النهاية كانت سريعة ولكن في الأخر أنتهت يمكن كلامي مش مفهوم أوي لكن أنا بكتب بأحساسي مش بعقلي ونادر أوي لما بكتب بأحساسي مش حقول إني مضايق او مخنوق لا خالص أنا حالتي النفسية مستقرة إلي حد ما والحمد لله لكن كان نفسي أعيش اللحظات إلي كنت عايشها دي طول عمري

لكن لازم أقول الحمد لله علي كل شئ ومحدش عارف الخير فين والدنيا علي الحال دة والحال دة

سلامي ليكم جميعا

حورس
أحمد عنتر

حاسس بالرومانسية

أحساس غريب أووووووووي من زمان محستش بيه أحساس بالرومانسية حاسس إني طاير بين السما والأرض في دنيا من الخيال
حاسس بالراحة النفسية والهدوووووووووووووووء
حاسس إني مبسوط ( ربنا يستر من العين خمسة وخميسة )ههههههههههه

بدأت أحس بالشعور دة لما سمعت الأغنية دي كتبهالكم وححط ليك ليها

طير بينا يا قلبي
ولا تقوليش السكة منين

دة حبيبي معايا متسألنيش
رايحين علي فين
رايحين علي فين
علي فين
علي فين

الورد من يوم وحدي
خاصم حبيبه كلهم

خاف من نصيبي وقسمتي
ليكون نصيبي زيهم

دلوقتي حنروح له سوي
ونصلحوا علي النور والهوي

طايرين علي جناح الهنا
أنت الحبيب والروح أنا

طير بينا يا قلبي
ولا تقوليش السكة منين

دة حبيبي معايا متسألنيش
رايحين علي فين
رايحين علي فين
علي فين
علي فين

أة أة أة أة
أة أة أة

روحي إلي تاية شوفتها
أجري يا دنيا وقربي

قابتها كلمتها
مين كان يصدق والنبي

من يوم ورايح حبنا
عمره ما حيغيب عننا

ومن النهاردة لميت سنة
أنت الحبيب الروح أنا

طير بينا يا قلبي
ولا تقوليش السكة منين

دة حبيبي معايا متسألنيش
رايحين علي فين
رايحين علي فين
علي فين
علي فين


ورابط التحميل للأغنية دوس

هـــــــــــــنــــــــــــــــــــا


يمكن الأغنية دي فكرتني بذكريات حبي الوحيد وإلي كل يوم بيعدي عليا بحبه أكتر من الأول مع إني فاكر إني نسيته
أتمني يكون في صحة كويسة ومبسوط حتي لو بعيد عني

سلامي ليكم كلكم

أحمد عنتر

حورس

بجد تعبان

من كام يوم حصل معايا موقف حابب أحكيه

كنت ماشي في مول في أسكندرية وفجأة بدأت أفكر في أختي نهال مش عارف ليه بس بجد قعدت أفكر فيها كتير أوووووووووووي وحسيت إنها وحشاني أوي فقولت أطلع الموبايل أتصل بيها لكن فجأة أتسمرت في مكاني بجد مكنتش قادر أتحرك حسيت إن ساعقة نزلت عليا أفتكرت إن أختي ماتت ومش حقدر أكلمها بجد حسيت بحزن شديد أووووووووووي حسيت إنها لسة ميتة مع إنها ميتة من 6 سنين طيب ليه أفتكرتها مش عارف مش عارف حاجة بجد بس حاسس بحزن شديد وحاسس إني مش عايز أكلم حد خالص وفعلا تقريبا بطلت أكلم أي حد

الحمد لله علي كل شئ

سلامي ليكم

محدش يزعل من صراحتي

معرفش ليه ضربت في دماغي
إني أكتب موضوع في نوع من انواع الصراحة

بدون ذكر أسماء ولا تلميحات وكلامي دة مش بخص بيه حد بعينه لكن أي حد حيجي في دماغي حتكلم عنه وخلاص بين خيانة وغدر وتفاني في الإخلاص وحب وكره وحسد وتمني زوال النعمة والدعاء ليا

حبدأ بخيانة

خيانة الأصدقاء شئ صعب أوي لما تلاقي إلي قريب بيبعد وإلي بيوعد بيخلف وإلي بتكلمه بيتربصلك بكلمة علشان يوقعك في الكلام ويستغله ضدك حاجات كتير كمان مقدرش أتكلم عنها

غدر

لما تحس إنك محتاج لشخص تتكلم معاة ومتلقيهوش جنبك وتلاقيه بيهرب منك ولما توجهه يزعل ويطلعك أنت إلي غلطان دة يبقي إيه لما تقف جنب شخص وفي أقرب فرصة يتخلي عنك لما يكذب عليك شخص ويعمل نفسه المثالي
لما تكتشف إن إلي حوليك بيخدعوك بقي عادي في الدنيا

التفاني في الأخلاص
الحب

مش حتكلم عن الموضوع دة كتير بجد يكفي إني أقول كلمة واحدة بس

هبة

كره

حسيته كتير من ناس أعرفها وناس معرفهاش نظره الكره مش بتحتاج ترجمة نظرة الأحتقار إلي ملهاش سبب ممكن أكون غلطان لكن دة أحساس داخلي

تمني زوال النعمة والحسد

دول لقتهم فعلا لما ألاقي حاجات كنت متأكد إنها سهلة وحاجات مفروغ منها إنها حتحصل وفجأة ألاقيها بتقفل بطريقة غريبة جدا أهم ميعاد يمكن في حياتي ييجي يوم ووقت أمتحان ليا ويتلغي
حاجات كتير تانية


الدعاء ليا

في ناس كتير بجد بتدعيلي من قلبها انا عمري ما فكرت أضر حد بس علشان أكون صريح أكتر كانت مرة واحدة وكان نوع من أنواع الأنتقام ودة لإن جوايا شخصية شريرة وبخاف من ظهورها ظهرت مرة واحدة والحمد لله توقفت في نص الطريق واعتقد إني صلحت إلي عملته


في ناس بكلمهم بس خايف من غدرهم
وناس بكلمهم وخايف أفارقهم
وناس بكلمهم ومش فارقين معايا
وناس كنت بكلمهم وندمت إني بعدت عنهم
وناس بطلت أكلمهم وكان حظي إني بعدت عنهم
وناس ربنا أكرمني وبعدت عنهم

كفاية كدة كلام

سلامي ليكم جميعا

3nter
7oR@$

عودة حميدة

رجعت من تاني ليكم

أزيكم يا جماعة أنا رجعت تاني لعالم التدوين كنت راجع بتفاؤل بس بدخولي للبلوج حسيت بخوف شديد حسيت بمسؤلية و افتكرت حاجات كتير كنت فاكر إني نسيتها أفتكرت مواضيع و أحداث وحياة تانية كان نفسي أنساها

إن شاء الله أخرج من الموضوع دة

سلامي ليكم جميعا

تفكير عميق

كنت محتاج وقفة مع نفسي في كل حاجة في حياتي

أسرتي

دراستي

أصحابي وأقرب الناس ليا

حبي

النت

مدونتي

أصدقائي في التدوين


حاجات كتير أووووووووووي

قررت إني أتمشي لوحدي شوية مع إني أصلا ديما بتمشي لوحدي بس قررت أفكر بدأت بأسرتي نفسي بجد أفرحهم ودة مش حيكون سهل لازم أضغط علي نفسي وأضحي علشانهم لو مش حضحي علشانهم حضحي علشان مين

دراستي
لازم أهتم بيها أكتر وأكتر علشان أرجع حاجات فقدتها لمدة سنة كاملة لازم ترجع تاني ومتهيألي مفيش حاجة أسمها مستحيل
أو حلم ووهم

أصحابي وأقرب الناس ليا
إلي باعني منهم ولا حفكر فيه لكن إلي شاريني حفضل جنبه وحيلقيني ديما في كتفه ولو أحتاج مساعدتي حيلاقيني جنبه بس هوة يطلب
أقرب الناس ليا هما عارفين غلوتهم عندي من غير ما أتكلم ويا رب نفضل كدة علي طول

حبي
الحاجة الوحيدة إلي أنا مهمل فيها أوووووووووووي يمكن دة نابع علشان أنا قررت مفكرش في الحب وبعدين حسيت إني محتاج أحب زي بقيت أصحابي لكن يمكن كنت الشخص الخطأ في الحب ههههههههههههههه أو مش بعرف أحب الله أعلم

النت
جزء كبير من حياتي بس عايز أقصر في حقه علشان هوة ممكن يخليني أقصر في حق حاجات أهم منه بكتير

مدونتي
بحبها أوووووووووي وبحب أفضفض فيها عرفتني علي ناس جميلة أووووووووووي و كانت معايا في حزني قبل فرحي ليها ذكريات جميلة اوي ومواضيع كنت في قمة السعادة وأنا بكتبها ومواضيع كنت ببكي وأنا بكتبها وكله محصل بعضه

أصدقائي في التدوين
حسيت منهم بدفعة للأمام وحسيت في كلامهم بالأمل الجديد وأحساس بالتفاؤل


بجد بشكر كل إلي وقفوا جنبي وساعدوني

وحاولوا يحفظوا علي

أحمد عنتر

قبل ما يفكروا في حورس أو في مصلحة شخصية عندهم


سلامي ليكم جميعا

مش حقول حورس

لكن حقول أخوكم إلي بيحبكم أحمد عنتر

حورس

ناس كتير سألتني إيه حورس دة فقررت أكتب عنه

حورس دة إله الشمس عند الفراعنة

بس أنا مشدنيش ليه إنه ألة الشمس

أنا أول ما شوفت صورته حسيت إنه انا نفس التكشيرة نفس الكبرياء وعزة النفس بحس إن فيه كتير مني

من صغري وأنا بقول علي نفسي حورس بعد كدة قعدت فترة ناسي الموضوع دة لكن فجأة شوفت صورته علي النت رجعتلي الذكريات وقررت أرجع ذكريات حورس إلي جوايا

دي نبذة بسيطة عن حورس وعن أحمد عنتر

وإزاي أتجمعوا مع بعض


سلامي ليكم

حورس



أحمد عنتر

I'm really tired

I'm so sorry Heba i want to write in my blog not in papers

Im really Tired and sad

messege to someone

I really hate you now but what can I do

your image in my mind became muddy

I want to forget you

you are liar

I was Thinking that you for me only

but

Now

I understood

and

known

that you are for all

Im really shamed

because

I had known you

.............................


but I have to thank Heba for her effort for me

Thank you Heba

God save you for me

A.3nter

7oR@$

بصراحة عجبني أوي الموضوع إلي في بلوج فراشة الشتاء

سهر الليالي

وقررت أعمل موضوع زيه بالظبط طبعا مع الأعتزار لفراشة الشتاء علي أقتباس الفكرة

وححط الحروب بترتيب أصدقائي علي الميل
أكيد ححط الأقرب مش كلهم

لولي

صغنونة بس عسولة وبتغظيني كتير هههههههه

م أ

تعبتيني كتير وأعصابي تعبت معاكي علي عكس توقعي متزعليش من صراحتي بس أنا صريح ومش بعرف ازوق في الكلام دة أحساسي

تشي أحمد

واد زي العسل بس أفكاره ما علينا منها مع إنه بدأ يخرج من إطارها كتير وبقي حبيبي هههههه

أ ف

بالعربي أحمد فهمي صديقي العزيز من أيام ثانوي وأجدع صحاب أصحابي من صغري ههههههههه
نفسي نرجع زي زمان وأحنا بدأنا من جديد رغم خلافتنا إلي حلناها

بالبونط العريض
هبة السيد
قولتلها أكتبك بأختصار قالتلي أكتبني بأسمي ماشي يا سيدتي
أحلي حاجة في حياتي ربنا يخليهالي وتفضل معايا علي طووووووول لغاية ما أعجز وسناني تقعد ونروح دار مسنين مع بعض بس يكون فيها نت ههههههههههههههههههه
أنت بجد أغلي أنسانة في حياتي


أ ع

عفشة
حبيب قلبي غالي علي قلبي أوي طيب بس ما علينا هههههههههههه

روزي
رضوي

عايز أضربك يا إلي مش بتسألي بقالي كتير معرفش عنك حاجة تدخلي تقولي كلمتين والنت يقطع ترجعي بالسلامة لأرض الوطن في كلية الهندسة بقي هههههههههههه

هبة الله

كنت في وقت أقرب أصدقائي غالية عندي يمكن بعدنا عن بعض وبتمنالك حياة سعيدة مع الشخص إلي أختاره قلبك كان لازم تعرفي إني لازم أنسحب من حياتك شوية بشوية علشان تبقي حياتك كلها للأنسان إلي بتحبيه
ربنا يوفقك

أ ع

أحمد عنتر
تعبتني معاك اوي يا عم حاجة تخنق ههههههههههه معايا علي طول سيبني شوية بقي عايز اقعد لوحدي بس بجد مالي عليا حياتي أنا مجنون صح علشان دة أنا هههههههههه

شهد

متكلمناش كتير بس كنت ديما بتساعديني وحفكر أروح الفرح ولا لاء ههههههههههه
بس شوفيلي عروسة بقي

روشة

هية أسم علي مسمة روشة عملالي دوشة في دماغي مخها عايز يتفور معلش بقي متزعليش أنا الكبير برده هههههههههههههه

توأمتها
نهال

بتقوليلي إنك أختي الحقيقية علشان أسمك زي أسم أختي الله يرحمها بعزك وبحترمك بس في بعض التحفظات

بوسي

جننتيني يا شيخة حرام عليكي البرج إلي فاضل من دماغي حيطير

م م

كنا أصدقاء لكن حصلت مشاكل وبعدنا نهائيا بس برده ما زلت أحترم شخصيتك مع وجود بعض التحفظات برده
مش بحب الصوت العالي

أ ي

أسامة ياسر

صديقي من قبل ما أدخل الكلية شخصيته فيها كتير بتحفظ عليه بس بحترم رأيه وباخد رأيه في حاجات كتير بس برده بعمل إلي في دماغي

ي ي

ياسر يسري
واحد طويل كدة سيبكم منه بس دمه زي العسل جرئ أوووووووي وبيتكسف ههههههههههههه شوفوا إزاي بقي
هههههههههههههههههههه

سمسمة

سمسومتي ألبسي النظارة علشان تشوفي الكلام خايف عليكي من العملية بس لازم تعمليها علشان نظرك بسيحلك أنا باين ههههههههههههههههههه

بلح

أنا مش بحب البلح بس بحب شخصية بلح الطيب الهادي بجد شخصية تقف قدامها كتير بس إلي عايز يفكر بقي




أكيد نسيت ناس بس والله مش قصدي يمكن فات علي نظري بس بجد كل إلي أعرفهم بحبهم بس أنا قولت القريبين أو إلي كانوا قريبين مني

في النهاية حابب أقول شخص يمكن أنا معرفهوش ولا هوة يعرفني
علاقتنا ردود في بلوج ومن فترة بسيطة كمان

عبلة حلمي
شخصية مجنونة شوية بس طيبة أوووووووي وصريحة أوووووي فرحت برجوع التفاؤل جوايا مع إنها متعرفنيش أتمني إنها هي كمان تفضل متفاءلة وأوعي حاجة تهزك أنت شخصية محبوبة من الكل
عايز أشوفك علي طول في بلوجي


سلامي ليكم جميعا

حوووووووووووووووووووورس

أحمد عنتر

أضحك كركر أوعي تفكر

في ظل التفاؤل إلي أنا فيه

إيه رأيكم يا جماعة نفكر بطريقة جديدة إلي يظلمك او يضايقك أنساة ولا تفكر فيه أكنه دبانة ضايقتك وأنت هاشتها او بلعتها هههههههههههههههههههه

ليه تفكر في إلي يضايقك ما دام في حاجات تانية ممكن تفرحك يعني أنا مثلا كنت ديما بفكر في الناس إلي بضايقني وأحاول إني أكتم ضيقي مع إن في ناس بتحبني ومش مستنية مقابل ونفسها تخليني مبسوط علي طول ليه مفكرش فيهم لازم أفكر في دول كمان أنا فعلا بدأت أعمل كدة في ناس بتحبني وأنا كمان بحبها جداااااااا وفي ناس بتتعمد جرحي ومضيقتني فهما إلي بدأوا وأنا لازم أعمل زيهم ولا إيه بس انا مش حعمل زيهم بس حقلل علاقتي بيهم إلا لو حصل حاجة خلتني أرجع معاهم زي زمان طبعا كلامي مش لشخص معين والله ههههههههههههه علشان في ناس حتفهمني غلط دة ممكن يكون لكل أصحابي أو لمعظمهم

مش عايز حد ياخد كلامي بزعل بس أنا بجد بحب كل أصحابي
وأخواتي

يلا سلامي ليكم جميعا يا أجمل أصحاب

أة صحيح أنا حلم من كل واحد من صحابي خمسة جنية ههههههههههههه

كل أصحابي حيتبروا مني كدة ههههههههههههه

مش حاخد من حد حاجة خلاص

لازم أحساب ناس

كتبت عن التفاؤل وأنا لسة متفائل

ويمكن من نعمة ربنا عليا إني اكتشفت إن الناس إلي أنا كنت زعلان عليها ناس متستهلش زعل
مينفعش إني ازعل علي شخص كذاب بيمثل علي إلي حوليه أو علي الأقل بيمثل عليا ويعمل نفسه كذة وكذة بقي أنا جاي أقوله مع ألف سلامة وأنا إلي مش عايز اكلمك تاني علشان عرفته علي حقيقته يمكن دة جة في الوقت المناسب سعات كتير الإنسان بيتخدع في أشخاص ويفتكرهم كويسين ويشوف دموع التماسيح ويسمع صوت التمثيل ويكتشف إن كل شئ كذب وإن حتي أخوته أخوة كذابة أنا جاي أقول الكلام دة سواء عرف نفسه أو معرفهاش بس دة كلامي عنه بعد ما ربنا كشفلي حقيقته سواء من كلامه معايا إلي قالي بنفسه إنه كذب عليا في حاجات أو بكلامه مع ناس تانية إلي أنا شوفته بالصدفة وكان باين أوي منه إن كلامه معايا حتي في أخر وقت كان كذب يبقي خلاص دة غير إنه أصلا بايعني يبقي أنا مش حشتري حد

بتمناله حياة سعيدة ههههههههههههههههههه

وأنا برده لسة متفائل

وبفرح لما بعرف حد علي حقيقته

سلام يا ولا بلاش ذكر أسماء يمكن يعرف نفسه
ههههههههههههههههههههههه

محدش يزعل من طريقتي في الكلام بس بجد أنا مصدوم فيه
وكويس إني عرفته علي حقيقته

تفاءل يا أخي

إيه الناس دي كل شوية تكتبلي انك مضايق ومخنوق والدنيا ملطشة معاك

أنت إلي بإيدك تغير حياتك للأحسن مفيش حد حيساعدك غير نفسك إلي يبيعك بيعه وإلي يشتريك خليك معاة علي طول وإلي يبيعك مرة حيبيعك ألف مرة يا عم

النهاردة كنت راكب العربية وكنت رايح أصلي في النادي قولت أشغل قرأن سمعت صورة الأسراء بصوت مشاري راشد طبعا بصرف النظر عن صوته الرائع أو طبعا الأعجاز القرأني في المقام الأول لكن مخي وقف عند أية أنا مش حافظ الأية نفسها بس عارف معناها

معناها إن ربنا سبحانه وتعالي خلقلنا الدنيا دي مليانة نعم وخير علشان الأنسان لكن الأنسان مش بيشكر

دي حقيقة في كتير حيقولوا ما أحنا بنقول الحمد لله بس هل بتقولها مخلصة النية
يعني حصلت معاك حاجة وحشة
بتقول الحمد لله بصفاء نية ولا بتقولها كدة وخلاص

أيا كان الطريقة برده المهم إنك تقولها

مفيش واحد معندوش مشاكل ممكن تعيش من غير مشاكل للحظة أو لساعة أو ليوم أو حتي شهر لكن أنت إلي بتهرب منها حاول تحلها أو أنساها خالص أنا قررت أنسي مشاكلي وإلي أعرف احله منها أكيد ححله

بس مش حزعل وأعيش في حزن علي حاجة حصلت وأنتهت حسيب الموضوع للظروف وحفكر في إلي معايا دلوقتي وقد إيه أنا في نعمة في كتير محرومين منها أنا عندي أب وأم بجد أفخر بيهم عندي أصدقاء رائعين بصراحة ممكن يكون في بينا خلافات بس في النهاية أحنا أخوات

ولا أيه يا أسامة ياسر

أصل أنا وهو عصبيين أووووي وقفلنا مع بعض بس برده أحنا أخوات أمال حلعب علي لاب مين أغير لابي وحبيعك علي طول
بس مش حقدر أبيع أخويا برده دة انا بفتكرك لما ببص في المراية
هههههههههههههههههههههههه

ولازم أشكر ربنا علي أخويا محمد هوة غلس أوي أة ومش طالع لأخوه غير في الكتابة بالشمال بس والله عسل وبحبه أوووووووووووووووووووي
ربنا يخليه ليا

وكمان مقدرش أنسي أحمل حاجة في حياتي

إلي مش بنساها ولا حنساها وبتوحشني وهي معايا

ولما بفكر فيها وأبص لفلاشتي إلي متعلق فيها هديتها ليا

ببقي مبسوووووووط أوي
وفرحان إن ربنا رزقني

بنعم الأخت
عرفتها وأنا شبة يائس وحتي بعد ما عرفتها فضلت يائس بس هي مش بتستسلم كان ديما جنبي وبتخاف عليا أوووووووووووووووووووووووووووي أكتر من نفسي

ربنا يخليها ليا يا رب

أنا دلوقتي متفاءل إن إلي جاي أحسن إن شاء الله

ما دام معايا ماما وبابا
أخويا محمد

أختي هبة

أصحابي وأخواتي

أسامة ياسر
أحمد فهمي
ياسر يسري
أسامة فتحي بلح
شريف
أحمد عبد الوهاب عفشة
تشي أحمد أبراهيم
رامي غراب
أسامة حميدة
علي أحمد
مؤمن

والله خايف انسي حد

بس والله كلكم أخواتي وأصحابي

وببقي حاسس إني قوي وأنا معاكم

ربنا ما يحرمنا من بعض جميعا

رسم في خيالي

فكرت أرسم صورة لقتها صورة حزينة كرمشتها ورمتها وقولت أرسم غيرها حاجة حلوة كدة لقتها برده نكد هههههههههههههههه

أتاري إيه بقي أنا أصلا مفيش في مخي غير النكد والحزن حاولت كتير أخرج منه لكن إلي بفتكرهم حيقفوا جنبي في وقت حزني لقتهم أقل الناس وفاء ودة خلاني أقطع الصور إلي في خيالي وأرسم صور واقعية لأشخاص غدارين مش عايز أتكلم كتير في موضوع لسة معرفش أتقفل ولا متقفلش بس دة شعوري الداخلي وإلي خلاني أفكر في موضوع كنت كتبته عن التسامح وقولت وقتها إني مش حرحم إلي حيعمل حاجة بعد كدة ودة إلي ناويت عليه بس في النهاية أنا عمري ما أذيت حد ولا بحب الأذي علي العكس بحب أساعد الناس لوجة الله

بس في الوقت دة بالذات مينفعش أقول الحاجات الوحشة في حياتي وأنسي أجمل حاجة في حياتي
إلي لازم أشكرها علي وقفها جنبي ديما وخوفها عليا وربا ضارة نافعة يمكن زعلي مع شخص خلاني أعمل حاجة مش معتاد عليه خلاني أتعرف علي الشخصية دي بس برده خايف أفقدها لكن أحساسي المرة دي بيقول لاء

بجد بقولها شكرا وربنا يقدرني علي رد كل جمايلك عليا

بس مفيش جمايل بين الأخوات

شكرا يا

..........................


هي عارفة نفسها بقي ههههههههههههههههههه

حيران أنا

محتار أنا ....... بجد الأغنية دي اثرت فيا أوي وخلتني بجد أبكي مع إن دموعي عزيزة عليا اوي مش من السهل تنزل علشان حاجة أو علي أي حد بس حسيت بحزن كبير من الناس والدنيا
قد إيه الناس بتفكر في نفسها والباقي في داهية

أنا تعبت من الدنيا والأيام

ربنا يستر عليا

شكل أيامي قربت وحتتعلق ورقة في الكلية فيها صورتي ومعاها البقاء لله


الأغنية

محتار انا
أداوي جرحك ولا جرحي

قال إيه وأنا
فكرك رجعلي وجاي بفرحي

محتار انا
أداوي جرحك ولا جرحي

قال إيه وأنا
فكرك رجعلي وجاي بفرحي

كان فيه مليون طريقة
تقول بيها الحقيقة

لما أنت عنيك بريئة

كذبت عليا ليه
كذبت عليا ليه
كذبت عليه ليه





ســــــــــــــلام علي الدنيا


علي رأي .................... مممممم

أحاسيس متضاربة

خد عيوني شوفني بيها شوف بحبك قد إيه

أخر جملة في الموضوع إلي فات

الأغنية دي أصرت فيا أوي لدرجة إني لما بسمعها بقيت بعيط بس ببقي عايز أسمعها مش لإنها أتبعتتلي من شخص عزيز عليا جدا لكن علشان أحساسها عالي أوي فكرتني بحاجات كتير فاتت فكرتني بحب ضاع في الزحمة فكرتني بناس أنانية مش بتفكر غير في نفسها وفكرتني في ناس مش بتفكر غير في إنها تسعد غيرها بجد الدنيا دي دوارة حصلي حاجات كتير وفي الأخر أكتشف إن إلي حصل كان كويس أتعرفت علي ناس وسيبت ناس وبتعذب بناس ومش قادر أسيبهم لكن في النهاية بيبقي فيه بصيص من الأمل بينور حياتي الحمد لله عمرها ما كانت ظلمة لفترة

عايز أقول للي بعتلي الأغنية دي شكرا يا أجمل ما في حياتي ونورها ونور أيامي

ربنا يخليك ليا وميحرمنيش منك أبدا

حورس
أحمد عنتر

تفتكر

تفتكر حقدر أسيبك
تفتكر حنسي الليالي

قلبي مهما يكون حبيبك
وأنت أدري الناس بحالي

تفتكر حقدر أسيبك
تفتكر حنسي الليالي

قلبي مهما يكون حبيبك
وأنت أدري الناس بحالي

إن قدرت في يوم تسيبني
برده حتكون عندي غالي

أفتكر كل إلي بنا
قبل ما تهد إلي بنا

أفتكر كل إلي بنا
قبل ما تهد إلي بنا

أفتكري كلمة حلوة
قبل ما تضيع حبيبك


السؤال جاوب عليه
أظلمك يا حبيبي ليه

يا حبيبي لو حبيبي
أنسي كل إلي أحنا فيه

خد عيوني شوفني بيها
شوف بحبك قد إيه

السؤال جاوب عليه
أظلمك يا حبيبي ليه

يا حبيبي لو حبيبي
أنسي كل إلي أحنا فيه

خد عيوني شوفني بيها
شوف بحبك قد إيه

أقولك .............

بتغيب أيام وإيدي علي قلبي
ما تعود وتروح أو تنساني

أوهام عم عيش بهواك أنا وخبي
خليك بعيوني وبأحضاني

أقولك شو إلي صاير فيا
مثلك أو بيعذبني البعد
وحدي أنا

صوتك لو هجر سمعي
أنا صمتك بيخوفني
بيحرمني الهنا

بتغيب أيام وإيدي علي قلبي
متعود وتروح أو تنساني



معقول ما تقول عني ذات الكلمات
وتكون مشغول وأحكي لحالي

مش همي أبكي خوفي انا الدمعات
تخفيك عن عيني وأنت أقبالي

أقولك شو إلي صاير فيا
مثلك أو بيعذبني البعد
وحدي أنا

صوتك لو هجر سمعي
أنا صمتك بيخوفني بيحرمني الهنا

أقولك شو إلي صاير فيا
مثلك أو بيعذبني البعد
وحدي انا

صوتك لو هجر سمعي
أنا صمتك بيخوفني
بيحرمني الهنا

بتغيب أيام وإيدي علي قلبي
متعود وتروح أو تنساني


بحب الأغنية دي أووووووووووووووووووووووووووووووووي

عشقي الأول والأخير

واقفة جنبي

واقفة جنبي ومن زمان خدتي بأيديا
كل حاجة بعيدة قربتيها ليا
واقفة جنبي ومن زمان خدتي بإيديا
كل حاجة بعيدة قربتيها ليا
وأما بتعب وأنت جنبي بنسي تعبي
تضحكي أي صعب يهون عليا
يا غالية وأنت قدامي
بدأت أحس أيامي
ومش ححلم خلاص تاني
دي خلصت بيكي احلامي
حياتك ليا عيشاها
همومي عني شيلاها
ولو في حاجة جرحتني في حضنك بقدر أنساها
واقفة جنبي ومن زمان خدتي بأيديا
كل حاجة بعيدة قربتيها ليا
وأما بتعب وأنت جنبي بنسي تعبي
تضحكيلي أي صعب يهون عليا
قد إيه كان قلبي بيدور عليكي
بعد صبري عوضتني الدنيا بيكي
قد إيه كان قلبي بيدور عليكي
بعد صبري عوضتني الدنيا بيكي
قبل منك كنت أنا مش لاقي نفسي
وأما جيتي لقتني شايف نفسي فيكي
يا غالية وأنت قدامي
بدأت أحس أيامي
ومش ححلم خلاص تاني
دي خلصت بيكي احلامي
حياتك ليا عيشاها
همومي عني شيلاها
ولو في حاجة جرحتني في حضنك بقدر أنساها
واقفة جنبي ومن زمان خدتي بإيديا
كل حاجة بعيدة قربتيها ليا
وأما بتعب وأنت جنبي بنسي تعبي
تضحكي أي صعب يهون عليا

أفكر

أفكر في نفسي في حياتي

فقدت أناس كثيرون وكسبت أناس كثيرون

في كل يوم أترك ناس وتنتهي حياة وفجأة تبدأ حياة جديدة

إلي متي

ما نهاية هذه الحياة العجيبة أنسي ناس وتأتي ناس وناس محفورة في الذاكرة وفي قلبي

لا أستطيع تركهم

ناس باعتني وناس أشتروني

ناس بيحبوني وناس بيخدعوني

ناس بيحترموني وناس بيخافوا مني

هي دي الدنيا

دنيا فانية


أحساس من أحمد عنتر

فاكر لما تقولى هسيبك يعنى انا هجرى وراك ولا هموت فى هواك
ولا انا هترجاك روح يا حبيبى مع الف سلامة روح والقلب معاك
خد لياليك وياك انا مش هستناك انا مش فاضى اعيش ع الفاضى واضيع عمرى معاك
ابعد وابعد قلبك عنى روح متكلمنيش انت محستنيش لاء ومحبتنيش
ابعد واوعى تقرب منى يالا هنادى عليك امسح دمع عنيك انا مش ملك ايديك
ليه الحيرة نفضها سيرة وادى نهايتى معاك
امشى كفاية سنين ويايا مرت كدا قدام عنيا بس انا عارف وربنا شايف والله يعوض عليا

شكرا اوى ع الوقت الغالى انا ضيعت فى وقتك اسف انى عشقتك غلطة ان انا صدقتك
بتهيالك ان بعادك عنى هيجرح لاء بالعكس انا هفرح والمكسور يتصلح
مش هتساهل ولا تستاهل لحظة اعيشها معاك

كلام في كلام

معلش بقي فاضي وقاعد أكتب ههههههههههه

المهم

بدأ نتكلم بتوسع أنا مبسوط ليه النهاردة

الأجواء النهاردة في الكلية كانت ماشية زي ما أنا عايز بالظبط
قابلت أصحابي وأتكلمت معاهم

قعدت فكرت مع نفسي وعرفت إن الواحد ميعرفش الخير فين
وإن ربنا بيريد الخير لكل الناس حتي لو في منظوره شر

محدثكم أحمد عنتر من بلوجه
يحيكم ويعلن الأتي

مرحبا بك يا أحمد عنتر الحبيس إلي الدنيا يمكن كنت حابس أحمد عنتر جوايا علشان خايف إنه يتخدع بس لقيت أحمد عنتر إلي عامل فيها فاهم وبيثق في الناس بيتخدع
يبقي خلي أحمد عنتر الحبيس ياخد دوره ويثبت إن الخير ديما بينتصر مش المكر والخداع يعيش علي إن الخير موجود ويدور عليه ممكن يكون حالم لكن هي دي الدنيا

بقول لكل الناس وكل أصحابي بحبكم أوي ويا رب أحمد القديم يكون عودته حميدة عليكم هوة مش مختلف كتير بس قررت أبقي جرئ وأشيل الإنطواء وميهمنيش حد وأعمل إلي في دماغي من غير خوف ولا قلق

عايز أقول إن لله وإن إليه راجعون
علشان أنا أختي ماتت ممكن تكون ماتت من زمان بس حسيت بموتها دلوقتي لما أكتشفت إنها مش جنبي وإني لازم أعيش لوحدي وأفكر لوحدي داخل أحمد عنتر وأعيش مع الناس داخل المجتمع

أدعولي

وبشكر أصحابي إلي نصحوني وقالولي سيبك من إلي يبيعك وأشتري إلي شاريك علشان إلي يبيعك يبقي ميستهلكش وميستهلش إنه يتكلم معاك وهوة الخسران
بس أنا عمري ما كنت ندل ولا ببيع حد

وانا تحت امر كل أصحابي والقريبين مني
وأكيد الأمر لله وحده


سلامي ليكم جميعا


أحمد عنتر
حورس

أنا مبسوط

أنا مبسوط وبضحك علي غير العادة
حاسس بسعادة جوايا منقطعة النظير حاجة كويسة إن الإنسان يفرح

بس أصعب حاجة

إنك تضحك علي نفسك وتقول إنك مبسوط

وجواك مجروح

فرحة كاذبة

وخووووووووووووووووف من بكرة

وأنا لوحدي

نسيت أنساك

نسيت انساك حوالية كل الناس وبالى معاك
نسيت انساك وكأني لسة عايش عشان فاكرك

حبيبى مهما روحت بعيد معاك دايما وبعمل ناسي ومبنساش فى يوم ابدا
حبيبى مهما روحت بعيد معاك دايما وبعمل ناسي ومبنساش فى يوم ابدا

غيابك طال ولا عارف اعيش حياتى مع العايشين
غيابك طال وبتعدى كل ليلة عليا سنين
...
حبيبى مهما روحت بعيد معاك دايما وبعمل ناسي ومبنساش فى يوم ابدا
حبيبى مهما روحت بعيد معاك دايما وبعمل ناسي ومبنساش فى يوم ابدا

نسيت انساااااااااااك نسيت انساك


***************

ومش حنساك يا .............. مهما حصل وحفضل جنبك

أحمد عنتر

أنا جاي النهاردة بقي أعرفكم مين أحمد عنتر

أحمد عنتر قدام الناس

أحمد عنتر مش بيضحك كتير كشري بمعني أصح رخم وخنقة دة رأي ناس مش رأيي أنا
ناس كتير بتتخنق منه وأعتقد إن دة حقهم

أحمد عنتر في نظر إلي يعرفوه

أحمد عنتر طيب ومهزار بيحب الضحك والغلاسة بيخاف أوي علي أصحابه وبيعتبرهم أخواته

أحمد عنتر في نظر أسرته

منطوي مش بيكلمهم كتير قاعد علي الكمبيوتر ديما بيكلم أصحابه علي الشات إلي هما بيكرهوه ونفسهم يبطلوا

أحمد عنتر في نظر نفسه

في رأيي إن أحمد عنتر محدش يعرفه ولا حتي أنا نفسي سعات كتير بحس إني طيب أوي وسعات بحس إنه خبث مش طيبة بحب الناس وبخاف من أختلاطي بيهم قليل الكلام مع الناس إلي معرفهاش بخاف من الأحراج جدا ودة يمكن علشان أنطوائي عايش بشخصيتين أحمد الطيب الهادي إلي بيحب الناس ومن برة أحمد إلي بيصد وبيكشر علشان الناس تخاف تقربله مع إنه نفسه الناس كلها تعرفه وتعرف حقيقته
بس الناس يمكن مش عايزة تحاول تعرف مين أحمد عنتر بيبنوا فكرتهم علي شكله
وبعدين أنا أصلا بكشر علشان عيني حساسة ومش بتستحمل الشمس لو فتحتها ومكشرتش حدمع هههههههههههههههههه ولو لبست نظارة شمس حيقولوا مغرور
هههههههههههههههههههههههه

بس أنا مش مغرور ممكن يكون شكلي كدة لكن أنا بحب الناس كلها وعمري ما أتعاليت علي حد وأصلا أنا أنسان عادي حتعالي علي الناس ليه كلهم أخواتي وأصحابي وزمايلي

وفي الاخر عايز أوجة رسالة لإخواتي وأصحابي

ربنا مايحرمني منكم أبدا وإن شاء الله حتلاقوني جنبكم في الوقت إلي حتحتاجولي فيه ومش حتأخر عنكم

ورسالة إلي زملائي إلي يعرفوا أحمد عنتر أو إلي مش عارفينه

أنا مش بتأخر عن أي حد لو حد أحتاج أي حاجة ميتحرجش يجي يكلمني يقولي أنا عايز كذة مش ححرجه ولا حصده أنا أصلا بحب أعرف الناس بس مشكلتي في إنطوائي


في النهاية أقول

أنا مش رخم ولا خنقة والله ههههههههههههههههههههه

شعور بالوحدة

عرفت طعم والوحدة وإن فعلا مليش حد الأسبوع إلي فات لما تعبت وكنت سخن ومش قادر أقف وملقتش حد جنبي يقولي مالك حتي ولا يجبلي كباية مية
أكتشفت إني لو مت أو حصلي حاجة حبقي كلب وراح ولا حيهم حد
أكتشفت إني مليش حد فعلا
إن كل واحد بيفكر في نفسه ومش بيفكر في أي حد تاني أنا لو كنت مت في الأوضة محدش كان حس بيا
حاسس إن في حجر علي صدري ومش قادر اخد نفسي حاسس إني تعبان
جوايا ضيق وحزن وخوف خوف لما بفكر في إلي فات وبخاف يحصل تاني حصلي حاجات كتير أوي عمرها ما حصلتلي في طول حياتي
خايف أشوف إلي حصل دة تاني أو أشوف اكتر منه
خايف ناس عزيزة عليا تسيبني
خايف من الأيام
خايف من التفكير في بكرة
خايف من الناس
خايف من الغدر
كله بيبان قدامي كويس
بس معرفش بيفكر في إيه من ورايا

حقيقي خايف وتعبان

بكرة الوحدة

جسور محطمة

قلبي تحطم جسره وأنهارت مباني أحلامه وتزعزعت أركانه

أصبحت الدنيا بالنسبة لي أياما تمر تلو الأخرة لا فرق

أنا بجد تعبان

الدنيا ضلمت

لكن الحياة حتستمر مش حيهمني حاجة بعد كدة

حعيش في الحقيقة حنسي الخيال بس مش حنسي أصحابي الخياليين هما ملهومش ذنب

كنت بعيش للناس والناس بدمر حياتي وبتجرحني ولا بيهمها

لكن دلوقتي أسرتي وبعدين أنا وبعدين أي حد تاني

بس لازم أقول

وداعا أيها القلب النابض

وأهلا بجهاز النبض

دعوة للتسامح

أنا النهاردة جاي وماشي تاني مش قاعد كتير يعني بس قاعد وخلاص

المهم

أحمد عنتر أسم يعني ليه الكتير شخص مهم جدا في حياتي الوحيد إلي واقف جنبي في وسط ناس الواحد بيثق فيهم وبيطلعوا أي كلام هههههههههههههههههه بس لازم أتعود علي كدة طالما معايا أصحابي إلي بيحبوني وإلي بيسألوا عني ديما وبيخافوا عليا جدا بجد طبعا دول أصدقاء الخيال هههههههههههههههه

ودلوقتي أقدر أقولكم حاجة مهمة هوة قرار حيغير حياة أحمد عنتر بقوة لكن أنا شايفه صح وأصحابه الخياليين شايفين كدة برده هوة إنه حيفتح صفحة جديدة مع كل الناس مهما عملوا وحيفتح باب للتسامح مع الجميع

وفي ناس حيقعد يتكلم معاهم كتير


يعني من الأخر ممكن أقول إن احمد في مرحلة تغيير هوة في نظره إنها للأحسن لكن الله أعلم الدنيا مخبية إيه

هوة كدة سعيد وحيحاول يكمل حياته من غير ناس كانت قريبة منه بس حيكون ديما جنبهم في أي مشكلة

علشان كلهم أخواته ومش حيفرق بين حد إلا لو كان خاين فللأسف مش حيرحمه وقتها

كل سنة وانا طيب

بركولي يا جماعة النهاردة عيد ميلادي كل عام وأنا بخير ههههههههههههههههههههههههههههههههههههه

للأسف كبرت وبقيت عشرين سنة أهئ أهئ أهئ بس برده كل سن وليه متعته

وأحب أبدأ سنة جديدة خالية من المشاكل
وأقول لكل أصحابي لو أنا غلط مع حد من غير قصد أنا أسف وأقول لكن أصحابي كل سنة وأنتوا معايا وجنبي وربنا ما يفرقنا عن بعض مهما حصل


وكل سنة والجميع بخير إن شاء الله