من كام يوم حصل معايا موقف حابب أحكيه
كنت ماشي في مول في أسكندرية وفجأة بدأت أفكر في أختي نهال مش عارف ليه بس بجد قعدت أفكر فيها كتير أوووووووووووي وحسيت إنها وحشاني أوي فقولت أطلع الموبايل أتصل بيها لكن فجأة أتسمرت في مكاني بجد مكنتش قادر أتحرك حسيت إن ساعقة نزلت عليا أفتكرت إن أختي ماتت ومش حقدر أكلمها بجد حسيت بحزن شديد أووووووووووي حسيت إنها لسة ميتة مع إنها ميتة من 6 سنين طيب ليه أفتكرتها مش عارف مش عارف حاجة بجد بس حاسس بحزن شديد وحاسس إني مش عايز أكلم حد خالص وفعلا تقريبا بطلت أكلم أي حد
الحمد لله علي كل شئ
سلامي ليكم
كنت ماشي في مول في أسكندرية وفجأة بدأت أفكر في أختي نهال مش عارف ليه بس بجد قعدت أفكر فيها كتير أوووووووووووي وحسيت إنها وحشاني أوي فقولت أطلع الموبايل أتصل بيها لكن فجأة أتسمرت في مكاني بجد مكنتش قادر أتحرك حسيت إن ساعقة نزلت عليا أفتكرت إن أختي ماتت ومش حقدر أكلمها بجد حسيت بحزن شديد أووووووووووي حسيت إنها لسة ميتة مع إنها ميتة من 6 سنين طيب ليه أفتكرتها مش عارف مش عارف حاجة بجد بس حاسس بحزن شديد وحاسس إني مش عايز أكلم حد خالص وفعلا تقريبا بطلت أكلم أي حد
الحمد لله علي كل شئ
سلامي ليكم
8 Replays:
تعيش وتفتكر يا حاج أحمد
وكله بامر الله
وربنا ليه حكمه في كل حاجه
بس انت حاول لما يحصل لك حاجه زي كده
تدعي لها بالرحمه ولسائر المسلمين
ربنا يرحمك ويرحمها
س ل ا م ي
قل لن يصيبنا الا ما كتب الله لنا
وكويس انك بتفكرها وتدعى ليها ربنا يرحمها برحمته الواسعه ويدخلها فسيح جناته ان شاء الله
الدنيا لقاء وفراق ولازم فيها تحس بفرحه اللقاء وتحس بضعفك والمك فى الفراق
ربنا يرحمنا جميعا يارب
محمد باشا
أزيك يا عم أنت فينك من زمان مش بشوفك ولا بشوف نفسي هههههههههههههه التفكير في الموضوع صعب بس أنا عرفت اتجاوز الموضوع وبقيت كويس تاني وبس يمكن كنت فعلا محتاج أفتكر أختي مع إني مش بنساها أصلا بس كنت حاسس في الوقت دة إني محتاجلها أووووووي
ربنا يرحمها ويجعل مثواها الجنة
سلامي ليك
Olivetree
أهلا بتشريفك الأول عندي ويا رب تتكرر وأكيد بفضل فاكرها ومش بنساها لكن الأختلاف إني نسيت إنها ميتة وحسيت إنها وحشاني وعايز أكلمها يمكن علشان احساسي بالوحدة وإن مليش حد الله أعلم بس في النهاية حقول الحمد لله علي كل شئ
وربنا يرحمها برحمته
سلامي ليكي
معلش يا احمد
الشخص بيبقى عزيز على القلب
لدرجه ان الواحد مش بيتحمل فراقه
ولا بيصدقه اصلا
وبيبقى شعور محزن ومتعب جدا جدا
معلش
شد حيلك بس
وادعيلها
THE illusionist
الأول بقول شكرا لتشريفك ليا البلوج طبعا هوة أكيد الموضوع صعب بس ربنا بينزل صبر من عنده أنت نفسك مش بتبقي متخيله
بس لازم أقول الحمد لله وأكيد حدعلها
سلامي ليك
الاحساس بالوحدى كل الشباب تقريبا بيعيشه وحاسس بدا بسبب مشاكل كلنا مدركين ليها بس مش قادرين نحلها او نوصل لحل فيها خلاص اتعودنا على كدا بس فعلا الاستسلام لاحساس زى دا بيموت بجد بيموت فينا حاجات كتير حلوه احنا محتاجين ليها وفى نفس الوقت ودا راى انك لو اخدت على ناس اوى اوى وقربت منهم ومبقتش حاسس بالوحده ممكن تاخد منهم قلم كبير ينسيك كل حاجة حلوه
معادله صعبه تتحسبك بس الاهم ان الواحد يكون مرتاح البال ومش ظالم حد واى حاجة بعد كدا بتهون والايام بتقدر تنسى وتغير الانسان
اسفه على الاطاله بس نصيحه بلاش تستلم لجو الوحده والكبت دا لانه ماذى جدا جدا فوق ما تتصور وربنا يهونها على كل الناس
سلام
مفيش إطالة ولا حاجة كلامك جميل أووووووووووي فعلا صح بس أنا عمري ما أستسلمت مهما حصل ومهما كانت الصعوبات قدامي بحب ديما أتحدي نفسي وأتحدي كل إلي حولياعلشان أكون أحسن ومينفعش ننجح إلا لما نقع مرة وأتنين وثلاثة ونقوم تاني ونقاوم ونحاول لغاية ما نحقق الهدف وساعتها بس حيبقي ليه طعم بجد
سلامي ليكي
وبجد شكرا علي الكلام الجميل دة
Post a Comment