عرفت طعم والوحدة وإن فعلا مليش حد الأسبوع إلي فات لما تعبت وكنت سخن ومش قادر أقف وملقتش حد جنبي يقولي مالك حتي ولا يجبلي كباية مية
أكتشفت إني لو مت أو حصلي حاجة حبقي كلب وراح ولا حيهم حد
أكتشفت إني مليش حد فعلا
إن كل واحد بيفكر في نفسه ومش بيفكر في أي حد تاني أنا لو كنت مت في الأوضة محدش كان حس بيا
حاسس إن في حجر علي صدري ومش قادر اخد نفسي حاسس إني تعبان
جوايا ضيق وحزن وخوف خوف لما بفكر في إلي فات وبخاف يحصل تاني حصلي حاجات كتير أوي عمرها ما حصلتلي في طول حياتي
خايف أشوف إلي حصل دة تاني أو أشوف اكتر منه
خايف ناس عزيزة عليا تسيبني
خايف من الأيام
خايف من التفكير في بكرة
خايف من الناس
خايف من الغدر
كله بيبان قدامي كويس
بس معرفش بيفكر في إيه من ورايا
حقيقي خايف وتعبان
بكرة الوحدة
3 Replays:
نفسي تنسي الحزن شويه
انا بحس ان انت اللي متمسك بيه
ليه موقف حياتك علي مواقف او اشخاص
لو مش معاك يبقي الحياه سوده ومليانه حزنه
ليه بتخنق نفسك
ليه لما قررت تشوف الدنيا بشكل تاني وتبعد عن الحزن مش نفذت دا
علي فكره اي حاجه واي حد في الدنيا مش مهم طالما بيسبلنا الم او حزن
وحط مليون خط تحت اي حد
وبالنسبه للماضي انساه
وان هو حاول يعيد نفسه انت امنعه
مفش حد هيقدر يساعدك غير نفسك
وحاول مش تعتمد علي حد عشان مش تحس انهم بيخذلوك وكمان عشان مش تحس الوحده
وخليك دايما فاكر ان ربنا معاك
ولو دورت شويه او فكرت بشكل تاني
هتلاقي ان ممكن تعمل حاجات كتير تضيع احساس الوحده او الاحتياج
حط في بالك دايما ان انت مش محتاج لحد
وعيش
ومين قالك إني أنا اصلا محتاج لحد ولا بهتم بحد أنا أصلا مبقاش بيفرق معايا حد بس في نفس الوقت في أشخاص في حياتي مينفعش أغفل عنهم علشان هما مش أي حد زي ماما وبابا وأخويا وأختي
وحطي تحت أختي مليون خط ههههههههههههههه
أما الشعور بالوحدة كان ناتج من إني كنت مريض وملقتش حد يسأل عليا ولا يجبلي كباية مية حسيت وقتها إني فعلا وحيد ومليش حد ولو كنت مجتش الكلية خالص مكنش حد حيفكر يسأل عليا ولا يقول مجاش ليه النهاردة
كل واحد ليه حياته مينفعش ألوم حد إنه مهتمش بيا
شكرا علي ردك الجميل من شخصية أجمل
حورس
ربنا يخفف عنك والف سلامة عليك يا احمد
Post a Comment