إيه العنوان الغريب دة أكيد محدش فاهم حاجة ولا انا بس دة ممكن يكون سؤال مهم لازم الإنسان يسأله لنفسه أنا زي ما الناس شيفني ولا مختلف أنا راسم عن نفسي صورة في الكلية إني مغرور ومكشر علي طول لكن دة مش أنا ولا ممكن يكون أنا مش عارف ممكن أكون فعلاً مغرور أو غريب أو شخصية ملهاش لزمة زي ما بحس ممكن أكون كدة مش عارف برده بفكر كتير هوة انا بخدع نفسي بحاجة أسمها صداقة وبجبر إلي حوليا إنهم يصحبوني مش عارف هوة انا كبوس بالنسبة لهم حاسس إني تاية داير في دوامة مش عارف نهايتها فين هوة أنا أحمد عنتر إلي أنا أعرفه الطيب إلي بيحب الناس وبيحب يهزر ويضحك ولا أحمد عنتر الكشري الكأيب مممممممممممممممم مش عارف سعات بقول إني كنت مختلف قبل موت أختي يمكن لأنها كانت صديقتي الوحيدة إلي كنت بقدر أشكلها يمكن أكون غلط في العنوان دخلت الصداقة من باب غلط مش عارف أقول إيه سعات بكون طيب بس ممكن أكون شرير لما بحس بالغدر وبكرة أوي إن حد يضحك عليا وممكن حتي أفكر في الإنتقام ممكن أكون شخصية قاسية ولا طيبة في معاملتي مع أخويا محمد بضحك معاة وألعبه لكن كمان بضربه
أنا كدة ومش أنا
مش عارف
سعدوني وقلولي أنتوا شيفين إيه صدقاء الإنسان وزمايله هما مرايته ولازم ينصحوه ويقفوا جانبه وأنا بطلب النصيحة
بطلبها من صديق
3 Replays:
بص يا احمد انا هقولك رايى بس ياريت متزعلش منى
اولا لازم يكون عندك ثقه فى نفسك ولازم تعرف ان الناس يتصاحبك علشان انت احمد عنتر صاحبهم اللى امفروض يتصاحب مش علشان اى حاجه تانيه
ومن ناحيه انك مغرور ومكشر انت فعلا بحس انك مغرور بس بتهيقلى انك طيب (كلمتين مدح بقى) بس ممكن علشان مش اعرفك (اسفه بجد) ..
بس انا مقتنعه بمثل (تعرف فلان اعرفه.. عاملته لا.. يبقى متعرفوش) ..
وعلى فكره الناس برده بتقول عليا انى مغرورة بس اما بيعرفونى بيقولوا عليا عكس كده خالص ممكن اكون انا فكراك كده علشان مش اعرفك
وعلى فكره مفيش حاجه اسمها انك بتجبر حد على صداقتك لان امفروض انك تكون عارف مين صديقك ومين مش صديقك ومين اللى عايزك علشان شخصيتك ومين اللى عايزك مصلحه
ولازم تحاول انك تفصل وفات اختك عن حياتك علشان تعرف تتاقلم مع الحياه وتقدر تعيشها
وكل انسان على قد ما هو طيب لازم يبقى شرير لان الحياه اللى احنا عايشينها مينفعش فيها الطيب اوى علشان يقدر ياخد حقه ومينفعش فيها الشرير علشان هياخد كل حاجه بالقوة
لازم نبقى وسط بين الاتنين
يعنى لازم تبقى احمد الكويس مع الناس اللى تقدر كده ووحش مع اللى يقدر كده برده
وكل الاخوات كده على فكره بيلعبوا ويهزوا مع بعض ويتخانقوا مع بعض برده
وعلى فكره لو لقيت حد ينصحك ولو عملت حاجه صحح يشجعك ولو عملت حاجه غلط يقلولك اعرف ان دول هما صحابك اللى انت بتقول عليهم مرايتك
معلش لو كنت طولت عليك واسفه لو قلت لك حاجه ضايقتك
سلامى
احمد عنتر هو احمد عنتر
انا بقي مش هنصحك لاني عارف انك مش بتقبل نصيحة حد
بس بردوا مش عارف ليه انت كاتب في اخر الموضوع انصحوني
بس
حبيت اقولك حاجه
لازم تكون وسط
يعني زي ما بتسيب للناس حاجه تدل انك مغرور لازم بردوا تسيب اللي يخليك طيب
فاهمني
ولازم معاليك (نفاق بقي)تحاول
تطلع من الدوامه اللي انت فيها دي
لانك لو سبت نفسك كمان شويه مش هتعرف تطلع منها
الدوامه يعني دوااااااام علي طول
فاهمني يا ابني
كن أحمد عنتر اللي أنت عاوزه
عشان بعد عمر طويل أنت اللي هتحدد
الناس تفتكرك بالخير أو ب؟؟؟؟
يا رب تفوق
صديقك الذي أجبرته علي أن يكون صديقك
هههههههه
ana 3arfa en el blog da mn zman awe
bs ana knt 3arfak ensan
w ll2saf lnharda
aw embare7
l2ny msh adra anam
ektshft enk sh5s tany 5ales
3'er elly a3rafo
h2olak 7aga w bgd mtz3alsh
knt fakrak 7aga tanya .. 3'er elnas
msh btgra7 wla bt7b nfsak bs
knt fakrak bthtam b8erak zy mbyhtamo bek
w knt fakrak btfham elle odamk w bt7afz 3ala msha3ro
tb3an msh mn 72y a2ol l kalam da
w enta akid msh mbsot beh
bs ana knt rasma sora tanya 5ales f 7'ialy
w etsdmt bl72e2a
ed3ely afo2 3ashan a2dar akml 7iaty ..
Post a Comment