26 September, 2008

تاج بأسم إلي أهداهولي (مروة) شكرا أووووووووووووووي

أنا لقيت كله تاج تاج تاج تاج قولت أسمعنا أنا ما أنفع البلوج بتاعي بكلمتين هههههههههههه
مش حطول في الكلام بس حقول إني خدته من مروة وأقولها شكرا علي التاج يا مروة
حبدأ أجاوب أهه محدش يستعجلني علشان ميضربش
1- عيب فيك ومش نفسك تتخلص منه ع الاطلاق
الخجل ممكن يكون عيب بس أحسن ما أكون بجح
2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله
؟؟
لو أقرب خمس أصدقاء حعمل زي مروة وأخليهم ولاد بقي
بترتيب العلاقة الحالية
أسامة : صديقي في الكلية والنادي هوا أكبر مني بسنة بس بحبه الولد دة ههههههههههه
عبد الوهاب : مش حقول عنه كلام علشان كل الكلام مش حيوفيه حقه وغلوته عندي
صلاح :ولد طيب أووووووووي وملوش في حاجة دمه زي العسل
فهمي :في غنى عن التعريف طبعا ممكن نكون أختلفنا كتير بس في النهاية بنرجع تاني
سمير:أبو سمرة السكرة بصرف النظر علي شوية الحاجات المنوفية بس بجد طيب أوي
معلش بقي حقول سادس علشان مقدرش مقلوش
العملاق تشي هههههه: تشي يمكن كلامنا قليل وأراؤة وأفكاره مش بتعجبني بس مش بيحاول يفرض رأيه علي حد بيحب الهزار والجد مع بعض ههههههههههه
3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية )
وبردو جملة لكل واحد فيهم ؟؟
مروة: أنا أبوها ههههههههههه بجد مش حقول كلام جديد جدعة أوووووووي بس ليا خاتم عندها مش تاج ههههههههههههه
برينسيس: مش حقول الأسم الحقيقي خطبتي هههههههههههه بس كدة وكدة يعني
مليكة : صديقتي العزيزة الغالية وأختي بجد وأفخر بكدة
سلمي : ريهام الأتنين واحد أختي الصغيرة مش بكتير يعني بس طيبة أوي
نانا : أختي الكبير أوي هههههههههه باخد رأيها وبتفدني كتير
وأخيرا وليس أخرا طبعا مش زي ما قولت ست ولاد حقول ست بنات لا بس لازم أقول أسم الشخصية إلي ممكن أقول عليها أحمد عنتر رقم أتنين
هبة : يااااااااااااااااااة حقول إيه عن هبة بتفهمني أكتر من نفسي بعرف منها رأيي وأنا هادي حيكون إزاي

العشرة اللى فوق ... ابعت لكل واحد فيهم رسالة4 -!
أسامة : متخفش جاي بكرة عايز أقوله إني بحبه مبعرفش ألعب غير معاة
عبدالوهاب : خليك زي زمان أحسن متحولش تطور أحنا حبناك زي ما أنت كدة
صلاح : حاول تتفاعل معانا أكتر مش عبدالوهاب بس
فهمي : فكرت فيك كتير رأيي أنت عارفه كنت قولتهولك مرة قبل الأمتحان هههههههههه لو فاكر يعني
بس مش بعرف أبعد عنه أكنه مغنطيش وأنا حتة حديدة ههههههههههه
سمير : حاول تكون أكثر نفعا لأصدقائك
تشي : حاول تقعد مع نفسك بجد وتفكر أفكارك ممكن توصلك لفين لو حسيت إنها ممكن تضرك أرجع قبل ما ييجي وقت مينفعش الندم فيه
مروة : مش كل ما أهزر معاكي تخدي الموضوع جد حرام عليكي البرج إلي فاضل حيطير
برينسيس: خطيبتي أوي تعملي حاجة غير لما تقوليلي هههههههههههههه
مليكة : فرحان إنك أتعديتي مني وبدأت تفكري بعقلك وأنا شايف إنك في الطريق الصح
سلمي: ريهام وحشاني أوي مبتفتحيش الميل وأنا مش ناقص فلس تاني ههههههههههههه
نانا: ربنا يوفقك في حياتك الجديدة إلي قربت أوي وأنا معزوم طبعا بس مش جاي هههههههههه
هبة: أختي خليكي علي عقلك كدة علشان ألاقي حد زيي حفضل أنصحك وتنصحيني وأحرق دمك برده هههههههههههه
5- العشرة اللى فوق دول اكتب لكل واحد كتاب او اغنية بتعبر عنه فى رأيك
أسامة : (علي قد الشوق .... عبد الحليم )
عبدالوهاب: (مستنياك ..... نانسي )
صلاح : ( أبعتله صوته علي الموبايل ههههههههههه)
فهمي :( أنا لو أذيته ..... حماقي هههههههههههههه )
سمير :( بحبك ...... مصطفي قمر )
تشي : ( شط أسكندرية ..... فيروز علشان تفتكرني هههههههههه)
مروة :( أقولك ...... مروان خوري وأنت عارفة الأغنية دي إيه بالنسبة لي )
برينسيس: ( أنشالة....... أيوان )
مليكة : ( لولا الهوا...... مروان خوري)
سلمي: ( يا وحشني وأنت جنبي ....... مايا نصري )
نانا : ( أمي الحبيبة هههههههههههه ...... هشام عباس )
هبة : ( أكيد تمر الليالي ...... سامو زين )


6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟
هما حاجتين الأولي في حق شخص عزيز مكنش قصدي بس أنا أسف زغم إنها كلمة قليلة أوي
التاني موضوع الكورة وأكيد حتفهموا بقي أنا أسف بس مش قصدي أضايق حد أو أهينه لو عرفتوا حصلي إيه حتعزروني

7- أكتب رسالة لأي حد او حاجة او شيء او كيان او اياً كان فى الكون بدون اي قيد؟
في النهاية أوجة رسالة لمروة أقولها شكرا علي التاج وأقولها أنت عارفة مكانتك عندي ومتصدقيش أي حد بيحاول يوقع علشان بزعل لما بتقوليلي كلام أنت عرفاة

شكرا ليكم جميعا وأسف لو مكتبتش حد قريب مني بس الزهايمر بقي ولا إيه يا عبدالوهاب هههههههههههههههههه

كنت حنسي في النهاية أهدي التاج لــــــــــــــــــعبد الوهاب يلا مبروك وعايز أشوف ردودك بقي وححطلك الأسئلة أهه

1- عيب فيك ومش نفسك تتخلص منه ع الاطلاق
2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟
3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟
4- العشرة اللى فوق ... ابعت لكل واحد فيهم رسالة !
5- العشرة اللى فوق دول اكتب لكل واحد كتاب او اغنية بتعبر عنه فى رأيك
6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟
7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟

الأسئلة إهه لكل إلي عايز يجاوب كمان بس التاج لعبد الوهاب برده ههههههههههههه

06 July, 2008

نيو فلاشة

يا جماعة أنا جاي النهاردة اكسر جو الحزن والكأبة من البلوج الممل دة

حقولكم علي حاجة بس بيني وبينكم ههههههههههههههههههههه أنا طلعت رومانسي يا جماعة أنا بحب أغنية مروان خوري أقولك في شريطه الجديد أنا والليل وممكن أقول كمان إني بعشقها وأنا في البداية جايبلكوا لينك للأغنية علشان إلي عايز يحملها


هنــــــــــــــــــا


بس أنا كمان مكتفتش بكدة لالالالالالالالالالالالالالالالالالالالالالالا
أنا كمان عملت فلاشة للأغنية أتمني تعجبكم وأكيد مش حنسي مجهود مروة الكبير في عمل الفلاشة دي وإلي أتمني تنال إعجبكم
ونفسي أشوف ردودكم ورأيكم في الأغنية والفلاشة للتحميل


هنــــــــــــــــــــــــــــــــــا


أتمني تنال إعجابكم

25 June, 2008

الطفولة والحرية

شئ جميل إننا نفكر نرجع للطفولة بالمرح واللعب وأنك تبني بيوت من المكاعبات أو حتي من الرمل علي الشاطئ لما تفكر إنك حتعيش حياتك من غير قيود تسمع توم أند جيري أو كونان علي رأي ........ هههههههههههههه أو تفكر في إن الناس حتيجي تسلم عليك وتقولك أزيك يا حبيبي أو تيجي واحدة حلوة تبوسك ما أنت طفل بقي ههههههههههههه أو إنك كل عيد تاخد العدية من قرايبك إلي أتوقع إنها بدأت تقل لغاية ما حتختفي أو ممكن لحياة مختلفة من تنمية الذكاء أو إنك تبين إنك افضل من الأخرين رغم صغر سنك بس الأجمل إنك تفكر في المستقبل وأنا صغير كنت بفكر إمتي حخلص تعليمي أبقي زي بابا أرجع من الشغل أريح وأتفرج علي التليفزيون كان حلم صغير في نظر الجميع أو في نظري أناكمان بس كنت بتمني يتحقق وقريب إن شاء الله يتحقق سعات ممكن تفكر في إنك حر منطلق مش همك حد غير نفسك بس لو حصلك حاجة حتلاقي نفسك تفكر أنا لوحدي ولا معايا حد حتلاقي حوليك كتير أقاربك أصدقائك بس الأهم أبوك وأمك إلي منحوك الحرية دي ممكن سعات تحس إنهم بعدوا عنك بس في أي أزمة حتلقيهم أول ناس جنبك هما إلي أعطوك الحرية دي بس لازم برده تفكر في إنك تحط ضوابط للحرية دي أصل الموضوع مش كوسة ولا بامية ههههههههههههههههههه الموضوع قلب مطبخ ههههههههههههههه المهم لازم تعرف إن حريتك بتخليك تفكر أنت زمان كنت لو عملت حاجة غلط كان بابا أو ماما يجي يقولك كخ عيب كدة غلط فتعرف إن دة غلط وأكيد كنت بتعاند برده بس أنت دلوقتي كبرت بقيت تتحمل مسئولية أخطائك وأهم حاجة إنك تعرف إن غلطتك مش حتأثر عليك لوحدك دة حتقصر في أهلك أسرتك أو ممكن أصحابك أو العالم من حوليك لازم تفكر ألف مرة قبل ما تعمل حاجة مش معني كدة إنك مش حتغلط لازم تغلط علشان تتعلم بس مش بإختيارك لأن إختيارك حيكون الافضل في رأيك ومش حتقبل أي رأي من حد بس لما تجرب حتتعلم وحتكون احسن ممكن تشوف في كدة صعوبة أنا إيه إلي خلاني أوجع دماغي ما أنا كنت طفل صغير بلعب وبابا بيوجهني للصح بس فكر شوية لو لقدر الله حد منهم جري له أي حاجة أنت حتعمل إيه ممممممممممممم

وفي النهاية أنا المرة دي إلي بنصحكم كلكم إنكم تقعدوا مع نفسكم شوية تفكروا في حياتكم إلي فاتت وحياتكم الجاية وتعيدوا هيكلة حياتكم
وشكرا
أحمد عنتر

07 June, 2008

أنا كدة ومش أنا

إيه العنوان الغريب دة أكيد محدش فاهم حاجة ولا انا بس دة ممكن يكون سؤال مهم لازم الإنسان يسأله لنفسه أنا زي ما الناس شيفني ولا مختلف أنا راسم عن نفسي صورة في الكلية إني مغرور ومكشر علي طول لكن دة مش أنا ولا ممكن يكون أنا مش عارف ممكن أكون فعلاً مغرور أو غريب أو شخصية ملهاش لزمة زي ما بحس ممكن أكون كدة مش عارف برده بفكر كتير هوة انا بخدع نفسي بحاجة أسمها صداقة وبجبر إلي حوليا إنهم يصحبوني مش عارف هوة انا كبوس بالنسبة لهم حاسس إني تاية داير في دوامة مش عارف نهايتها فين هوة أنا أحمد عنتر إلي أنا أعرفه الطيب إلي بيحب الناس وبيحب يهزر ويضحك ولا أحمد عنتر الكشري الكأيب مممممممممممممممم مش عارف سعات بقول إني كنت مختلف قبل موت أختي يمكن لأنها كانت صديقتي الوحيدة إلي كنت بقدر أشكلها يمكن أكون غلط في العنوان دخلت الصداقة من باب غلط مش عارف أقول إيه سعات بكون طيب بس ممكن أكون شرير لما بحس بالغدر وبكرة أوي إن حد يضحك عليا وممكن حتي أفكر في الإنتقام ممكن أكون شخصية قاسية ولا طيبة في معاملتي مع أخويا محمد بضحك معاة وألعبه لكن كمان بضربه
أنا كدة ومش أنا
مش عارف
سعدوني وقلولي أنتوا شيفين إيه صدقاء الإنسان وزمايله هما مرايته ولازم ينصحوه ويقفوا جانبه وأنا بطلب النصيحة
بطلبها من صديق

15 May, 2008



New man

a.3nter

17 April, 2008

صيف جديد

أنا كنت ناوي أكتب موضوع بس لقيته نكد قولت بلاش أنكد عليكم ونقول أي حاجة تانية ههههههههههههههههههههه لو عايز تصيف ممكن تروح فين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سؤال يطرح نفسه بس أنا برشح أسكندرية وإبقوا كليموني وأنا حفسحكوا ودة دعوة لكل إخواتي وأصدقائي في الكلية ومش حنسي زملائي إلي معرفهمش كمان وعلي فكرة مفاجأة مفيش هدايا للحضور ههههههههههههههههههه

كل واحد يكتب نفسه يصيف فين وليه

وعلشان محدش يبقالوا حجة ويقةل طيب حنكلمه إزاي دة ميلي

a.3nter@yahoo.com

سلام ليكوا جميعاً


22 March, 2008

الأصدقاء

مما لا شك فيه إن الصداقة شئ مهم في حياة كل إنسان إزاي الإنسان يعيش لو معندوش أصدقاء طول حياتي بحاول أدور علي أصدقاء حقيقيين منذ كنت طفلاً كنت أفضل الوحدة كنت في المرسة أجلس وحيداً أنظر إلي الأصدقاء مع بعض في إشتياق لهذا الجو الجميل المشكلة في أني مبعرفش أعمل أصدقاء وصداقات لأني بشعر بالخوف من الرفض أو إن يكون حد مخنوق مني ههههههههههههههههههه كنت أحاول لفت النظر علشان حد يصاحبني مكنش قدامي غير إني أذاكر علشان الناس تعرفني بس كان كل إلي يصاحبني علشان أشرحله حاجة يعني كنت بشتري الصداقة أحاول إيجاد أصدقاء حقيقين ممكن يكون العيب فيا ممكن أكون شخص مكروه أو مش مفهوم شوية جد شوية هزار مترسالك علي بر بس دي طبيعتي إنسان متقلب أنا بالنسبة لي كل مرحلة ليها أصدقاء وبتنتهي بإنتهاء المرحلة
أنا معرفش حد أو بكلم حد من أصدقائي في الثانوي
بدأت أفكر في إن ممكن تكون صداقة البنات أقوي من الولاد بس مش عارف عندي أصدقاء من الجنسين علي النت بس بميل لأصدقائي وإخواتي في الكلية والمدينة فهمي عفشة سمير صلاح جيفارا رامي مش عايز أنسي حد بس بجد بحس معاهم بالأمان أنا قلت لفهمي يدورلي علي أصدقاء بس شكله طنش وقالي إزاي يعني لازم أنت تعمل كدة بس زي ما قلتلكم بالنسبالي الموضوع صعب معرفش أقول كلام متزوق أو أشد أصدقاء ليا أنا بحاول أتغير يعني أنا بعتبر كل الكلية أصدقائي وإخواتي إلي ميعرفنيش أو يعرفني حتي لو بيكرهني ههههههههههههههههه أنا مبكرهش حد نفسي بجد ألاقي صديق حقيقي مش عارف يكون مين ممكن فهمي عفشة سمير صلاح بس فهمي حبيب قلبي أخويا حبيبي من أيام الجيزة ههههههههههههههه قصدي من أيام الثانوي واللجنة كنت بشوفة هوة وإلي وراة ههههههههههههه ولا حاجة كانوا هاديين هههههههههههههه بس بجد أنا مش عارف أتغير أكتر من كدة لأنه طبع مقدرش أشيل الخجل إلي جوايا
في النهاية أحب أسأل فيه صداقة حقيقية ؟؟؟؟ وهل فيه حد يقبل صداقتي هههههههههه لو أنا بصراحة مقبلش هههههههه ؟؟؟
أسف لو طولت عليكم
سلام لكل أصدقائي